Mit Plattdüütsch dör dat Johr! In't Vörjahr of in't Sömmer, Harvst of Winter, dör de Weken un Maanden: Plattdüütsch is daarbi. In disse Kalenner proot´t Gott up Platt mit uns. Warm Woorden, wenn uns de Winter to kold un lang is. Hell Worden, wenn dat düster word. Woorden as´n frischen Wind, wenn de Sünn braant. Woorden as Regen up dat dröge Land un as´n Störm, de swore Gedanken wegpuust´t.
So seggt Gott: „De Regen un de Snee – de fallt van´n Himmel daal un koomt nich edder torügg, as bit se de Eer de Frucht bracht hebbt, dat allens wassen kann un dat dat Gröön upkummt un so de Buur sien Saat kriggt un sien Brood daarto. So geiht dat mit mien Woord, wat ut mien Mund kummt: Dat kummt nich torügg to mi, dat streit sien Segen ut un sett´t mien Willen dör un bringt dat tostann, wat daar mien Afsicht bi weer.“ (ut Jesaja 55)
Un Kalenner köst 2 Euro pro Stück (plus Versandkosten) un kann bi Kathrin Linkersdörfer bestellt worden: kathrin.linkersdoerfer@evlka.de.
Blievt fein bewahrt un gaht unner sien Segen dör dat Jahr 2025!
Imke Schwarz
