Wi hebbt wat to fiern!
Dat is 60 Joahr her, dat de AG Plattdüütsch in de Kark in’t Leben roopen wurn is. Un vör fief Johr wurd us Vereen grünnt un het de Arbeit von de AG övernahmen. Dat tweefache Jubiläum fiert wi an 30. September in den Dom to Verden. Los geiht dat um Klock 11 mit een Gottsdeenst. Dat ganze Programm finnen Ji in de Spalte rechts. Ji sünd van Harten inladen!
Dat wi wet, wievel Lue kommt un um beter plonen to können, seggt bidde bit 15. September Bescheed, of Ji komt: Entweder per Mail bi Kathrin Linkersdörfer (kahtrin.linkersdoerfer@evlka.de) of telefonisch bi Alfred Böhnke (04761-6332).
Veelen Dank!
Wi freut us up een moien Dag tohoop in Vern.
Best Gröten!
De Vörstand: Carsten Möhlenbrock, Ursula Menzel, Alfred Böhnke, Friedo Hansen, Jens Wilkens un Elisabeth Stolberg
