Leve Mitstrieders för uns plattdüütsche Spraak,
herzliche Einladung vom Mühlenmuseum in Moisburg und dem Verein FÖR PLATT e. V. zum
6. Plattdüütsch Möhlensnack!
Thema:
Heiko un Johann Frese aus Lüneburg berichten über: „Plattschapp – dat Amazon för Plattdüütsch“
Leitung: Dr. Heinz Harms, FÖR PLATT e. V. Intritt köst nix, Spenden willkommen
Wokeen mehr weten will un sien Platt en beten opfrischen much, de leest nu wieder:
Heiko un Johann Frese bedrievt siet 2002 en plattdüütschen Online-Bökerladen: Plattschapp.de. Dor giffft dat üm un bi 3.000 Artikels to köpen, in de Hauptsaak Böker, man ok CDs un LPs, Glückwunschkorten, lütte Kunstwarken - un jüst is de plattdüütsche Fahn in de Maak. Dorto höört de lütte Plaggenhauer-Verlag, den se vun Jan Graf övernahmen hebbt un wo se sülms Böker rutbringen doot. Johann un sien Vader Heiko vertellt us, woans se dorto kamen sünd, se stellt de schöönst, enige afsünnerliche un en poor aktuelle plattdüütsche Böker vör un vertellt, wat dat Besünner dor an is, wenn en Online-Laden op Platt lopen deit.
Johann is Schöler in de 13. Klass in Lümborg. In sien Freetiet speelt he Volleyball un he hett mit anner Lüüd tohopen dat Leit vun de plattdüütsche Jugend-Theatergrupp in Lümborg, de höört to den doren Vereen Sülfmeister e.V. mit to. Heiko, wat Johann sien Vader is, de is in'n Hauptberoop Schoolmester an de IGS Seevedal. Fröher hett he as Berader för Plattdüütsch bi dat Neddersassische Landesschoolamt arbeidt.
Bi Kaffe un Koken köönt wi klönen, Fragen stellen un diskereren, wat plattdüütsch Böker noch en Markt hebbt.
Oktobergröten ut Hulnst
Heinz Harms