Plattdüütsch in de Kark
Mehr as 6 Millionen Minschen in Düütschland proten, snacken of küren platt. Un noch vööl mehr köönt dat good verstahn. Daarum höört Plattdüütsch ok in de Kark!
Plattdüütsch is de Spraak, in de wi kloor un düüdlich un liek herut snackt. Jedeen versteiht, wat meent is. Plattdüütsch is ’n direkten Spraak, een Spraak, de am leevsten vertellt.
Dat kummt us ok in us‘ Kark togood: körte Satzen, kloore Woorden un Geschichten, de van Gott un de Welt vertellen – plattdüütsche Predigten un Gott’sdeensten gaht selten över de Koppen van de Minschen weg.
De Beupdragte för Plattdüütsch in de Kark un de Vereen Plattdüütsch in de Kark e.V. setten sük daarför in, dat Plattdüütsch in us Karken lebennig blifft. Se geben Material för de Gottesdeensten ruut, beden Workshops an un planen Veranstaltungen för lüttje un grote Lüü. Kiekt jo mal üm up us Homepage!
Un noch wat: Van’n 1. Januar 1999 of an hett dat Plattdüütsche in de „Europäische Charta der Regional- oder Minderheitensprachen“ „Stock un Stütt“ kregen van de hooge Politik: De Lüüd söllt weeten, dat ok us oole, feine plattdüütsche Spraak us‘ europäisch Kultur riek maakt un dat ’n hör nich missen kann.