Kört un knackig!
De Lektor*innen und Prädikant*innen, de up Platt in’n Verkündigungsdeenst ünnerwegs sind, hefft sick to een Rüsttied in Beers (Bad Bederkesa) een Weekenend in’n Oktober drapen. Schön weer, dat sick wedder een paar nee Gesichter infunnen harrn.
Wi hefft us mit Andachten – ‚kört un knackig’ uteenannersett. Imke Schwarz (Beupdragte för plattdütsch in de Landeskark Hannover) het us to Andachten in Social Media un anner Gelegenheit Tipps un Anregungen geben.
An‘n Sünnabend het us Annie Heger in ehren Erfahrungsschatz mit Andachten un Kolumnen inducken laten. Kennt ji een ‚kolen Start‘ bi’t Schrieben? -wo fangt wi an? – wo fangt wi Hörers un Lesers in? – wat vermittelt wi wie? – wo makt wi dat kört un knackig? – un noch veeles mehr het se us super dull vermittelt. Dank Annie, dat du dar weerst. Jedeen*e vun us kunn dat in wunnerbare Andachten umsetten – de sind seker mal irgendwo to lesen oder uck to hören.
In 2025 gifft dat wedder eene Rüsttied, ditmal to dat Thema "Wunnergeschichten in de Bibel". Sekert jo de Dage vun 26. – 28.09.2025.
Wi dreept us in Harmsborg (Hermannnsburg). Anmelden könnt ji jo af Juni 2025 ünner www.plattduetdsch-in-de-Kark. Wees darbi!
Jens Wilkens – jens.wilkens@evlka.de
