"Vertell mi wat - Körtgeschichten van Hoch na Platt" - 5. Översettertagung in Hermannsburg
Wi laden weer na Hermannsburg in - to uns 5. Översettertagung.
De sall van´n 11. – 13. Dezember stattfinnen, unner dat Motto:
„Vertell mi wat – Körtgeschichten van Hoch na Platt“
Wi willn mitnanner körte Geschichten in´t Plattdüütsche överdragen un kieken, wat daarbi to beachten is. De Geschichten köönt för Andachten un Predigten nutzt worden. Anregungen för´t Schrieben un Översetten gifft uns Pastor Manfred Thoden ut Selsingen. He hett u.a. dat Book „Hannes“ up Platt schreben un de Roman „Sommerabend in Worpswede“ up Hoch un Platt. Ok Pop-Songs översett´t he immer weer geern. Manfred Thoden vertellt uns van sien Arbeid un leest ut sien Böker.
Anmellen köönt ji jo direkt bi dat Ev. Bildungszentrum in Hermannsburg, unner
Ev. Bildungszentrum Hermannsburg/Översetterseminar
Daar kriegen ji ok to weten, wat dat kösten deit.
Wenn ji noch mehr Informationen bruken, meldt jo geern bi mi.
Uns Vereen Plattdüütsch in de Kark e.V. unnerstützt de Tagung mit´n Toschuss.
Man to – Manfred Thoden un ik freien uns up jo!
Gröten van Harten, Imke Schwarz