Över de Vereen
De Vereen Plattdüütsch in de Kark Neddersassen Bremen e.V. is in November 2018 gründt worden. He hett sien Sitz in Loccum. De erste Vörsitter is Carsten Möhlenbrock ut Hude, 2. Vörsitter is Wilfried Zilz ut Schwarmstedt, 3. Vörsitter is Alfred Böhnke ut Bremervörde und Schatzmeister is Friedo Hansen ut Otter-Todtshorn. Schriftföhrer is Jens Wilkens ut Verden. Bisitter sünd Ursula Menzel (Eystrup), Elisabeth Stolberg (Delmenhorst), Thorsten Fritz (Hage) un Thees Becker (Friedeburg). Heinrich Plesse ut Hodenhagen is de Delegierte för de Niedersächsische Heimatbund.
De Vereen hett momentan rund 120 Mitglieder un is de Nahfolger van de Arbeitsgemeinschaft (AG) Plattdüütsch in de Kark, de dat siet rund 50 Johr geben hett.
Wat will de Vereen? He will de Böschkupp van Jesus Christus "Up Platt" unner de Lüü bringen. Dat will he so doon, dat all de verscheden Mundarten van Plattdüütsch Platz finnen. Mennig Lüü predigen up Platt, hollen Gottesdeenst un unnerrichten Kinner un Jugendlichen. Disse Arbeid unnerstützt de Vereen. Wi geben Bibeln up Plattdüütsch ruut, dat Gesangbook un dat Lektionar. Bi uns kann elk un een sük fortbilden laten - wi laden regelmäßig in to Tagungen, Schulungen un Workshops. Bi uns kann elk un een mitmaken, de Spaß an Plattdüütsch hett un up Platt van sien Gloov vertellen will. Wi sünd präsent up de Karkendag. Tweemal in ´t Johr stüren wi een Rundbreef an interesseerte Lüü. Up de Homepage stellen wi Material för de Arbeid in de Gemeen parat. All dat passeert, ümdat wi Gott priesen, denn: Gott sien Hart sleiht för Platt!
De Vörstand
