Karkendag in Norddütschland - dat röp na Aktionen up platt. Un so weer dat denn uck. Minschen, de gar kien Platt könnt, de plattdütsch sozialiseert sind, de siet lange Tied mal wedder Platt snackt hefft un noch veele mehr – mit de harrn wi an use veelen Veranstaltungen Kontakt. Dat weer een Pläseer un hett use Sprook ünner de Minschen broocht. An den Abend vun’t Tosamenkamen geef dat Segen up platt – un eenige hefft den up’t Smartphone mitnahmen – för sick oder Oma. Annie Heeger hett us ünnerstütt – dat weer een vun de veelen ‚platten‘ Highlights. De Gottesdeenst mit de Bischöfe H. Willmer un R. Meister kunn gar nich alle Besöker*innen upnehmen. Veel Musik weer uck mit darbi – dat weer eenfach schön.
Up den Markt der Möglichkeiten weer 3 Dag de Stand mit Böker, Karten un Öberraschungsnööt (Walnööt mit een Segenwort darbin) un natürlich Informationen un Uttusch. Netwarken vun feinsten weer dat. Theater, Life-Podcast, Poetry Slam – un immer wedder een unverhofften Dreepen mit ‚Plattdütsche‘ un Minschen de dat eenfach geern hört – so weer dat. Schad för all de, de nich darbi ween kunnen.
Dat Engagement vun Plattdütsch in de Kark mit all de, de mithulpen hefft – dat hett us plattdütschsche Spraak (in alle Variationen) in de Harten vun de Minschen bröcht. So geiht mit ‚Heff Moot -wees stark - wies dien Hart‘ uck na den Karkendag wieter – in de plattdüschen Andachten un Gottesdeenste in us Karken. Wo ji dat finden könnt? Bi www.plattduetsch-in-de-kark.de
Jens Wilkens
