Heff Moot - wees stark - wies dien Hart!
1. Korinther 16,13-14
Gott sien Leevde, de grötter is as usen kloken Kopp,
schall Moot in di wassen laaten
un din Tovertroon stark maaken
as du dien Hart wiesen machst.
So segen di us Gott, de Vadder, de Söhn un de Heilige Geist.
Amen.
Gah man hen, Gott geiht mit di.
Kiek di man üm, dor kann di nix wat anhebben.
Laat dat man to: Gott holt wat van di!
So segen di us Gott, de Vadder, de Söhn un de Heilige Geist.
Amen.
Mit beide Beenen steihst du in düsse Welt.
Markst dat woll, wo de Eer di drägen deit?
Dor kummt diene Kraft her.
Den Kopp lich man up,
de is all meist in de Wulken tohus.
Dor kummt din Moot her.
Dortwischen is dat Leben:
Dor deelst du mit beide Hannen ut, wovan dat Hart vull is.
So segen di us Gott, de Vadder, de Söhn un de Heilige Geist.
Amen.
Bangemaaken tellt nich!
Besinn di up dat, wat to’n Leben döcht!
Laat di nich inwickeln!
Stah up för dat, wat tellt:
As de Mischen mitn’anner läben könnt,
so as Gott dat gefallt.
As wi up em vertroot un us t’recht bringen laat.
So segen di us Gott, de Vadder, de Söhn un de Heilige Geist.
Amen.
Wenn du nich wieter weest,
denn schall dor een ween, de di togangen bringt.
Wenn du meenst, de Weg is to stuur,
denn schall dor well kaamen, de een Stück mit di geiht
Wenn du denkst, nüms will weeten, wo mi dat geiht
denn schall dor well fraagen: Wovan wart dien Hart licht?
Jedeen Dag schall dor well ween, up den du di verlaaten kannst
So segen di us Gott, de Vadder, de Söhn un de Heilige Geist.
Amen.
De Segen, de öber di is, mach öber di blieben.
De Herr mach di geben, de weeke Wull vun de Schap,
dat du Schuul hest, vör den scharpen Wind vun dat Leben.
Keen Dag schall dat geben, wo Du seggst, dor is keen, de op mi uppasst.
Gott wes för di, um di den rechten Weg to wiesen,
Gott wes achter di, um di den Rüüg stark to maken
Gett wes neben di, as Fründ an dien Sied.
Gott wes üm di to as een Deek, de die warm hollt.
Gott wes in di, dat dat du keen Angst hest.
Gah mit de Insicht, dat Jesus di mit Namen ropen hett. Gott hol sien Hannen öber di.